Itegeko ryerekeye kurinda amakuru bwite n’imibereho bwite by’umuntu

Urwego rugenzura ni rwo rwego rushinzwe gukemura amakimbirane yavuka afitanye isano n’iri tegeko. 

Icyakora, umuntu utishimiye ikemurwa ry’amakimbirane avugwa mu gika cya mbere cy’iyi ngingo ashobora kuregera urukiko rubifitiye ububasha.

Umuntu wagizweho ingaruka zikomeye n’ibikorwa by’umugenzuzi w’amakuru cyangwa utunganya amakuru utubahirije iri tegeko afite uburenganzira bwo kuregera indishyi mu rukiko rubifitiye ububasha. 

Icyakora, umugenzuzi w'amakuru cyangwa utunganya amakuru ntibaryozwa igihombo cyabaye iyo bigaragaye ko nta ruhare babigizemo.

Urwego rubifitiye ububasha, mu mikoranire n'urwego rugenzura, rushobora gushyiraho amabwiriza yihariye agenga kurinda amakuru bwite n’imibereho bwite bya nyiri ubwite. 

Ayo mabwiriza avugwa mu gika cya mbere cy’iyi ngingo agomba kubahiriza ibiteganywa n’iri tegeko.

Umugenzuzi w’amakuru cyangwa utunganya amakuru usanzwe ukora, ahawe igihe kitarenze imyaka ibiri (2) uhereye igihe iri tegeko ritangarijweho mu Igazeti ya Leta ya Repubulika y’u Rwanda kugira ngo ahuze ibikorwa bye n’ibiteganywa n’iri tegeko.

Iri tegeko ryateguwe mu rurimi rw’Icyongereza, risuzumwa kandi ritorwa mu rurimi rw’Ikinyarwanda.

Ingingo zose z’amategeko abanziriza iri kandi zinyuranye na ryo zivanyweho.